لا ترفع خشمك ترا الزمن يثنيه

من طرف **hags. alhndzli** الجمعة يوليو 15, 2016 11:45 am

اللي رفع خشمه ترئ الوقت يثنيه
ويعيش بين الناس محد يريده
واللي يحب الذات والناس تعطيه
تكثر جروحه والمذله رصيده
وراعي التشره يتعب اللي يماشيه
لو غاب عنك شهور ماهو فقيده
والغيره ان زادت على الحب تنهيه
والشك كم دمر حياه سعيده
واللي يعيش العز والرب مغنيه
يغثك بوصف الحياه الرغيده
واللي يعرف قدره ترئ الناس تشريه
لو هو يعيش الفقر تحت الحديده.....

_ابيات راقت لي